साम्य !

दूरदर्शनवर –

सयामी जुळ्यांचा कार्यक्रम बघता बघता,
बायको डोळे विस्फारत उद्गारली -
" कित्ती विलक्षण साम्य आहे ना,

त्या जुळ्यांच्या वागण्यात ? "

मी म्हणालो,

 " त्या जुळ्यांच साम्य जाऊ दे !

 ते तर दोघेच आहेत !
आपण घरात चारजण असून,
आपल्यातही एक अनोखे साम्य आहे ना ? "

विस्मित होत बायकोने विचारले,

" कसले साम्य आहे हो ? "

मी स्पष्टीकरण दिले,
" थोरल्या चिरंजिवांना कॉलेजचा कंटाळा,
धाकट्या युवराजाना गृहपाठाचा कंटाळा,
नवरोजीना ऑफिसच्या कामाचा कंटाळा,

 आणि-----"

बायकोने सात मजली हास्य करीतच,

माझं वाक्य पूर्ण केले.....
" बाईसाहेबाना घरकामाचा कंटाळा ! "

.     .     .