आरती भ्रष्टाचाराची -

शालेय पोषण आहार घोटाळा
रोहयो-अनुदान-चारा घोटाळा
वृद्धापकाळी पेन्शन घोटाळा
‘आदर्श ’ घोटाळा-आला कंटाळा...।१।     
जयदेव जयदेव जय भ्रष्टाचारा
गल्ली ते दिल्लीत तुमचा दरारा ।धृ।

प्लॉटपासून फ्लॅटपर्यंत
मिळकतीला नाही राहिला अंत
लाचखोरीची कोणा ना खंत
कालचा रंक तो आज श्रीमंत ।२।
              जयदेव जयदेव ..

प्रामाणिक माणूस निर्भय ना बनला
लबाड मात्र तो धाडसी बनला
शेतकरी कष्ट करीत मेला
पुढारी तो भ्रष्ट होऊन जगला ।३।
             जयदेव जयदेव ..

मंत्र्यांना शिस्त ना पोलीसा शिस्त
सनदीही गब्बर होण्यात व्यस्त
न्यायमूर्ती काही घोटाळेग्रस्त
‘ विदेश ‘ मनांत होतसे त्रस्त ।४।
                           जयदेव जयदेव ..

४ टिप्पण्या: