चार चारोळ्या -

१. कुणाच्या खांद्यावर -

             जगतांना सगळे मजला म्हणत
                         " आम्ही तुझे- , आम्ही तुझे- "
             मरतांना ऐकले पुढचे शब्द
                         " - वाहिले ओझे , - वाहिले ओझे " !

 २. फरक -
                         फरक नाही काही पडत
                         सुखात तुझ्या ग येण्याने -
                         दु:ख मला बिलगून रहाते
                         उरात तुझ्या ग जाण्याने !

              

३. समाधान- 

             देणा-याने झोळी समोरच्याची पहावी
             घेणा-याने ओंजळ देणा-याची पहावी -
             दोघांची संतुष्ट देवघेव पाहून
             पहाणा-याने समाधानाची ढेकर द्यावी !

४. पौर्णिमेचा चंद्र -

             आकाशाकडे टक लावून
                        ते पौर्णिमेचा चंद्र पहातात -
                        मी तुझा चेहरा पाहून
                        घेतो पौर्णिमेचा चंद्र हातात !

.