परीने विचारले, पिंकीला -
' आमराईत यायचं का तुला ?
मोराचा पिसारा पहायला
मोराबरोबर नाचायला ! '
पिंकी गेली पटकन
मोर आला झटकन -
पिसारा फुलवला मोराने
मान हलवली तोऱ्याने !
पिसाऱ्यातले सात रंग
पिंकी मोजत झाली दंग -
जांभळा तांबडा....पिंकी म्हणते
कौतुकाने परी ती हसते !
" झोपेत किती बडबडते -
दिवसा सारखी धडपडते ! "
- आई पुटपुटे पिंकीपाशी
ओढते चादर खस्सदिशी !
" मोराचा पिसारा गेला कुठे ?
परी होती- गेली कुठे ! "
कुठली परी, कुठला मोर -
डोळे चोळता, आई समोर !
.
कोणत्याही टिप्पण्या नाहीत:
टिप्पणी पोस्ट करा