चार चारोळ्या -

१.  पंचाईत -

नवस देवांना करून राहिलो

कार्य सिद्धीस घेऊन बसलो -

कुठल्या देवाला काय बोललो

हेच नेमके विसरून बसलो ..

.

२.  मत्सरी कुठले -

तुझे प्रेम माझ्यावर 

माझे प्रेम तुझ्यावर -

होऊ दे बघणाऱ्याच्या 

ओझे ते डोळ्यावर ..

.

३.  नशिबावर हवाला -

बुडणाऱ्याने बुडत जावे

बुडवणाऱ्याने बुडवत रहावे -

बुडणाऱ्याने बुडता बुडता

नुसते कपाळ बडवत रहावे ..

.

४.  वंदन -

अंकुर भुईतल्या बीजाला जडवतो

फूल फांदीवरच्या कळीचे साकारतो -

बाळ पोटातल्या जिवाचे घडवतो 

"अनाम कर्त्याला" त्या वंदन मी करतो ..

.