लग्नाची बेडी



नोकरी करणारी छान छोकरी 
बायको म्हणून घरी आली 

तेव्हापासून माझ्या नशिबी  
रोज घरची  नोकरी आली 

सकाळ होताच चहापासून 
बायको-सेवा सुरू झाली 

नाष्टा जेवण तयार करता 
तिच्या डब्याची वेळ झाली 

टाटा करून घरात बसता 
धुणी भांडी समोर नाचली

कामावरून ती घरी येता 
तिच्या चहाची वेळ झाली 

भांडी घासून बोटं सुजली 
धुणी पिळून हाडं झिजली 

कामवालीचा विषय काढता 
काटकसर उपदेशात आली 

पायावरती धोंडा पडला 
का लग्नाची बुद्धी झाली 

ह्या बेडीतून सुटका नाही
महामाया ही नशिबी आली ! 


.

कोणत्याही टिप्पण्‍या नाहीत:

टिप्पणी पोस्ट करा