गनिमी कावा

विचारत इकडे तिकडे आले 
आज पाहुणे घरात आले 
अहाहा सदन धन्य झाले .. 

निवांत खुर्चीवर ते बसले 
मान डोलवत जरासे हसले 
रुमालाने तोंडही पुसले ..

'कसे काय तुम्ही वाट चुकला 
आठव आमचा कसा जाहला ?'
- गूळपाणी देत प्रश्न विचारला ..

 ओशाळवाणे पाहुणे हसले 
हळूच इकडे तिकडे पाहिले 
प्रश्नाचे उत्तर देणे टाळले  .. 

पिशवीतून मोबाईल काढला 
रुमालाने स्वच्छही पुसला 
माझ्या हाती तो सोपवला .. 

"गनिमी कावा" त्याचा ध्यानी 
आला माझ्या त्याच क्षणी 
मुकाट उठलो हाती धरुनी ..

जर्जर जीव त्या पाहुण्याचा 
"चार्जर" विसरला मोबाईलचा 
शोधला पत्ता माझ्या घरचा .. !
.

कोणत्याही टिप्पण्‍या नाहीत:

टिप्पणी पोस्ट करा