घटकेत ऊन पोळे घटकेत चांदणे मज
आयुष्यमार्ग अवघड समजे न चालणे मज
विश्वात जीव इतके मी एक बिंदु साधा
"विश्वा"स ओळखाया शत जन्म जन्मणे मज
बागेतल्या फुलांची गणती उगाच केली
येता सुगंध नाकी का वेड मोजणे मज
तो सूत्रधार वरचा कळसूत्र खास त्याचे
हातातले बनवले त्यानेच खेळणे मज
हातावरील रेषा सुखदु:ख सांगती जर
पुसणार कोण आहे आलेच शोधणे मज ..
.
कोणत्याही टिप्पण्या नाहीत:
टिप्पणी पोस्ट करा