झिडकारुन संस्काराला -- [गझल]

झिडकारुन संस्काराला बिनधास्त वागणे जमते
सोडून सरळ त्या वाटा पळवाट शोधणे जमते

लाभाचे माहित असता ते रोज सारखे फिरणे 
सगळ्या कामांना टाळत आम्हांस लोळणे जमते

दिसला जर खड्डा पुढती डोळ्यास तो जरी त्यांच्या 
आपणही त्यात पडूनी दुसऱ्यास पाडणे जमते

व्यसनाने जीवन दु:खी उपदेश येतसे कानी 
व्यसनाधिन निर्व्यसन्याला निमिषात बनवणे जमते

म्हणती सत्याची आहे सगळीच येथली दुनिया 
सत्यास मुलामा खोटा धादांत चढवणे जमते ..
.

कोणत्याही टिप्पण्‍या नाहीत:

टिप्पणी पोस्ट करा