मोबाईलधारी घरोघरी -

शेवटी कंटाळून 
बिचाऱ्या माऊलीने
स्वैपाकघरातून, 
इतका वेळ आपल्या हातात धरलेल्या
मोबाईलवरून मेसेज टाकून ,
पलीकडच्या खोलीतल्या
लाडक्या लेकाला विचारलेच -
"पानं कधीची वाढून ठेवलीत,
जेवायला येताय ना ?"
लेकानेही तिच्या त्या मेसेजला
मेसेजनेच तत्परतेने उत्तर दिले -
"आलोच,
अग पण थांब हं एक मिनिट ..
बाबा हॉलमधे आहेत,
किती वेळ लागणार आहे..
त्यांनाही मेसेज टाकून विचारतो !"
.

कोणत्याही टिप्पण्‍या नाहीत:

टिप्पणी पोस्ट करा