आसरा होता दिला मी पाहुनी त्याची दशा -- [गझल]

वृत्त- देवप्रिया/कालगंगा 
लगावली- गालगागा गालगागा गालगागा गालगा 
मात्र- २६ 
---------------------------------------------------------
आसरा होता दिला मी पाहुनी त्याची दशा
तो दिशा दाही मला या आज फिरवीतो कशा..

टाकली विश्वास ठेवुन मान मी खांद्यावरी
कापली ती काय समजू आज मित्राला अशा..

विसरुनी रमली असावी सासरी मज ती जरा
देत नाही रोज उचक्या मीहि आता फारशा..

वाट काट्यातून ही मी चाललो आनंदुनी 
पाकळ्या मज टोचती अन दुखवती त्या खूपशा..

झिंगलेला वाटतो मी दोष तुमचा ना मुळी 
भेट घडली बहु दिसांनी त्या प्रियेची ही नशा..
.