रडण्यास खास आता गर्दीत राहतो मी -- [गझल]

रडण्यास खास आता गर्दीत राहतो मी  
अन सांगण्या व्यथांना एकांंत शोधतो मी ..

विस्फारतोच डोळे ऐकून उत्तराला       
"माणूस" जात जेव्हा कानात सांगतो मी ..

आभाळ स्वच्छ असता जमतात बेरकी ढग  
पर्जन्य घोषणांना जोरात ऐकतो मी ..

जाणून घेतले मी भिंतीस कान असती
वाटे घरात भीती बाहेर बोलतो मी ..

विसरायला तुला मी पेल्यास शरण गेलो 
पेल्यातुनी ग तुझिया प्रतिमेस पाहतो मी ..
.