पसारा विधात्या किती तू करावा - - [गझल]

वृत्त- भुजंगप्रयात 
लगावली- लगागा लगागा लगागा लगागा 
मात्रा- २० 
- - - - - - - - - - - - - - - - - - - - - -- - - 
पसारा विधात्या किती तू करावा  
कुणा मेळ तो का कुणाचा नसावा ..
.
इथे बाहुपाशात मी चंद्र असता 
कशाला नभीचा उगा तो बघावा ..
.
कशी जीवनाची ग नौका निघाली 
न वल्हेहि हाती न दिसतो विसावा ..
.
कुणा दु:ख माझे कधी ना दिसावे      
कधी मुखवटाही असा मज मिळावा ..
.
नभाला मिठी ती न मारू शके पण  
किती हट्ट वेडा धरेने धरावा .. 
.
कधी ती मिठीची कळावी ग गोडी   
तिथे तू इथे मी किती तो दुरावा ..
.