देव माझा -

देव माझा आगळा वेगळा 
ना एक दागिना त्याच्या गळा

जाणतो फक्त मनातला भाव 
असू दे आपला कोणताही गाव

राव असो वा कुणी रंक असू दे 
भक्ती मनातली त्यास दिसू दे

सत्वर प्रार्थनेस नक्की पावे 
भाव हृदयीचा जाणवता धावे

भजन नको नकोच कीर्तन 
होतो नामस्मरणी तल्लीन

ना पैसाअडका दक्षिणा नको 
तासनतास ती रांगही नको

मनापासुनी त्यास मी भजतो 
या भक्ताला दर्शन तो देतो

देवळात ना कधीच जातो 
घरात बसुनी नित्य पाहतो

भावभक्तीने नाम मी जपतो 
माझा देव मी मनी पूजतो ..!
.

कोणत्याही टिप्पण्‍या नाहीत:

टिप्पणी पोस्ट करा