सोडून जातिभेदा एकीस सावरावे - - [गझल]

वृत्त- आनंदकंद 
लगावली- गागाल गालगागा गागाल गालगागा 
मात्रा- २४ 
-----------------------------------------------------
सोडून जातिभेदा एकीस सावरावे    
‘माणूस’ जन्म मिळता माणूसपण जपावे 
.
पाहूनिया सखीला माझ्या मिठीत आता    
रागावुनी शशीने मेघात का दडावे 
.
दु:खात वादळांना झेलून राहिलो मी 
झुळकेस का सुखाच्या आताच घाबरावे 
.
दिवसा कधी न येते भेटावयास मज ती     
रात्रीच वाटते का स्वप्नात मज छळावे 
.
जखमेवरी कुणाच्या चोळू नये मिठाला 
निंदाच नेहमी का कौतूकही करावे 
.