येता जाता गोड बोलतो शेजारी दारात हल्ली -- [गझल]

येता जाता गोड बोलतो शेजारी दारात हल्ली
शिजत असावी निंदा काही त्याच्याच का मनात हल्ली

सोकावला किती आहे हा गुलाब तिच्या दारापुढचा
दिसता मी येताच दुरूनी झुलतो तो झोकात हल्ली

अखेर झाली ती दुसऱ्याची गेली परक्या दूरगावी
दारासमोर जुन्या पावले माझी अडखळतात हल्ली

होता चोवीस तास उघडा दरवाजा जिचिया मनाचा
खिडक्यांचेही दरवाजे का बंद तिचे दिसतात हल्ली

शब्दातून ग नकोस बोलू सखये तू काहीही मला
झाला सराव संवादाचा खूप मला स्पर्शात हल्ली ..
.
https://issuu.com/marathicultureandfestivals/docs/diwali_ank
.
[२०१६ चा पहिला दिवाळी अंक: पान 46 वर माझी कविता वाचा:]

कोणत्याही टिप्पण्‍या नाहीत:

टिप्पणी पोस्ट करा