विचारी न कोणी कुणाला कधीही- - [गझल]

वृत्त-  भुजंगप्रयात,    मात्रा- २० 
लगावली- लगागा लगागा लगागा लगागा 
अलामत-  ई ,  गैरमुरद्दफ 
--------------------------------------------
विचारी न कोणी कुणाला कधीही 
क्षणी स्वार्थ साधून पळतो कुणीही..
.
न कोणास भीती नसे लाज कोणा 
थिटे वस्त्र अंगी शरम ना मनीही..
.
दया मानवाला कशी येत नाही 
दमे भीक मागून भिक्षेकरीही.. 
.
सुगंधी असावा जरा जास्त गजरा  
मला पाहता खूष होते सखीही..
.
फुटे गर्व करता फुगा हो भ्रमाचा 
कळाले तरी का न वळते तरीही..
.

कोणत्याही टिप्पण्‍या नाहीत:

टिप्पणी पोस्ट करा