गर्दीत चालताना कोठेतरी हरवतो... [गझल]

वृत्त- आनंदकंद ,   अलामत- अ 
लगावली- गागाल गालगागा गागाल गालगागा 
मात्रा-  २४  ,   गैरमुरद्दफ 
--------------------------------------------------
गर्दीत चालताना कोठेतरी हरवतो 
एकांत पाहुनीया मजलाच मी गवसतो ..
.
विश्वास ठेवतो मी नात्यातलेच सारे 
गोत्यात आणल्यावर डोळ्यांस मी उघडतो..
.
धरतीस आस भारी पाऊस पाहण्याची 
महिमा कलीयुगाचा दुष्काळ तो बहरतो..
.
बाहेर पाहतो मी खिडकीतुनी मनाच्या 
हमखास नेहमी का तव चेहरा मिरवतो..
.
झाले विणून धागे प्रीतीत आज सारे 
बहुमोल वस्त्र हाती घेऊन मी विहरतो ..
.

कोणत्याही टिप्पण्‍या नाहीत:

टिप्पणी पोस्ट करा