जरी आडवे काही त्यांना तुडवत गेलो ,, [गझल]

वृत्त- अनलज्वाला ,   रदीफ- गेलो 
मात्रा - ८+८+८ ,  अलामत- अ ,
-------------------------------------------
जरी आडवे काही त्यांना तुडवत गेलो 
त्यासाठीही अनुयायी मी निवडत गेलो..
.
येता जाता करू लागले उपदेशच ते
समोरून मग खुशाल त्यांना टाळत गेलो..
.
आवश्यकता होती थोडी मज पैशांची
पेरणीस मी साखर तोंडी ठेवत गेलो..
.
वेळ दिलेली त्यांनी मजला ठीक सातची 
वेळ आठची प्रमाण मानुन पाळत गेलो..
.
मज आवडते जमेल त्याचे कौतुक करणे 
निंदातुर का चेहऱ्यास मी पाडत गेलो..
.