मला ठाऊक आहे जे .. (गझल)

मला ठाऊक आहे जे तुला बोलायचे आहे
अबोला सोड ना आता मला ऐकायचे आहे..
.
दुरावा संपला कोठे तुझ्या माझ्यात जो होता
उभे आयुष्य सारे हे कसे काढायचे आहे..
.
सुखाचा एक दु:खांचे दहा दाणे भरे झोळी
नकोसे जीवनी ओझे मला पेलायचे आहे..
.
जरी वाटे नकोशीही क्षणाची रंगरंगोटी
न कंटाळून पोराला पुन्हा पाजायचे आहे..
.
'मुलीचा जन्म हा माझा' मनी ना दु:ख वाटावे
मुलांना टाकुनी मागे तिला धावायचे आहे..
.