रात्री अकरा वाजता,
तणतणत, येरझाऱ्या घालत,
बायको स्वत:शीच बडबडत होती-
" माझ्या कवितेला...
आज एकही प्रतिसाद नाही...
म्हणजे अतीच झालं... ! " वगैरे वगैरे ...
बायकोचं बोलण माझ्या कानावर पडलं.
समजावणीच्या स्वरात मी तिला म्हणालो,
" जाऊ दे ना.
अग, इतकं कशाला मनाला लावून घेतेस ?
खरं तर,
कुणाला कवितेतलं काही कळत नस्त -
तरी पण कळल्यासारखे दाखवणारे,
बरेचजण असतात !
आपल्याला खरेच कवितेतलं कळत नाही,
हे कळणारे समजूतदार असे वाचक,
कविता वाचण्याच्या भानगडीच्या वाटेला जातच नसतात ;
आणि तुझी कविता वाचण्याचा,
जे वाचक प्रयत्न करणार.....
त्यानाही ती,
"तुझ्यासारखीच" कळत नसणार !
मला सांग-
कसा काय मिळणार तुझ्या कवितेला प्रतिसाद ? "
. . .
कोणत्याही टिप्पण्‍या नाहीत:
टिप्पणी पोस्ट करा