सकाळी सकाळी...
"हजरजबाबी बायको"बरोबर
का बाहेर पडलो कुणास ठाऊक !
बरोबर येण्याचा आग्रह करून,
अगदी तोंडावर धोंडा पाडून घेतल्यासारखे...
आता वाटतेय .
सांगतो ..
सविस्तर सांगतो तुम्हाला - - -
तर...
सकाळी प्रभात फेरीसाठी आम्ही दोघे बाहेर पडलो .
रस्त्याच्या कडेला त्यावेळी,
एक गाढव जोरात, आपल्या स्वत:च्या छानशा सुरात, ओरडू लागले होते .
मी जुनाच वाचलेला किंवा ऐकलेला विनोद आठवून,
जरा ऐटीतच बायकोला म्हणालो,
" तुझा नातेवाईक इथं का गातोय ! "
बायकोच ती !
आलेली सुवर्णसंधी सोडून,
गप्प कशी बसेल-
ती ताडकन उद्गारली -
"भावजी ऐकतच नाहीत ना !
भावजीना कित्तीवेळा सांगितलं;
असं घराबाहेर येऊन,
गात जाऊ नका म्हणून !"
. . .
कोणत्याही टिप्पण्या नाहीत:
टिप्पणी पोस्ट करा