बहरलेला वृक्ष होतो,
एकदा मी छानसा
गळुन गेली फूल पाने..
एकटा मी हा असा !
नाचती पक्षी कसे
बघुनिया खांद्यावरी
खेळताना होइ मजला
हर्ष माझ्या अंतरी -
फूल फळ हुंगावया
जमति जेव्हां पाखरे -
हृदय माझे भरुनिया
जातसे तेव्हां खरे
सावली शोधावया
पांथस्थ ते येती कुणी -
बाहु पसरुन स्वागताला
धन्यता वाटे मनीं
आज काही नाही उरले
भोवती माझे इथे -
एकटा मी दु:ख माझे
सांगतो मजला इथे !
.
कोणत्याही टिप्पण्या नाहीत:
टिप्पणी पोस्ट करा