तब्बल सलग तीन दिवसांची सुट्टी -
आनंद पोटात माज्या माईना .. माईना !
सूड घेण्यासाठी,
आपणही पाहुणे म्हणून कुणाला तरी ताप द्यायला जाऊ,
असा दुष्ट हेतू मनात आला . आणि तो दुष्ट हेतू लगेच,
अमलात आणायचा ठरवला. शुभस्य शीघ्रं !
बायकोला प्रवासासाठी तयार व्हायला सांगितले .
पाच मिनिटांत तयार होतेच म्हणणारी बायको....
पाच तासात कशीबशी तयार झाली .
दाराला कुलूप लावले... !
आणि तिने विचारायला सुरुवात केली -
" अहो, मी ग्यास बंद केलाय ना ? "
मी - " हो, मघाशीच बघितला, तू बंद करताना..."
बायको - " त्या कपाटातलं लॉकर बंद केलं का व्यवस्थित ?"
मी - " हो, मी तुझ्या हातात चंद्रहार देऊन, व्यवस्थित बंद केलंय..."
बायको - " पण बाथरूममधले नळ -"
मी - " हो, बंद केलेत सगळे..."
बायको - " टीव्ही कनेक्शनचं बटन बंद केलं ? "
मी - " अग, आपण ती रोजची भिकार सिरीयल पाहिल्यावर नाही का,
बंद केल मी स्वत: ! "
बायको - " फ्रीजच दार बंद केलय ना नीट ? "
मी - " थंड पाण्याची बाटली घेऊन, नीट बंद केलंय ."
बायको - " आता बंद करायचं काही राहिलं नाही ना ? "
मी - " राहिलं आहे ना - "
बायको - " आता अजून काय राहिलं बाई बंद करायचं... ? "
मी - " आपलं तोंड !! "
.
कोणत्याही टिप्पण्‍या नाहीत:
टिप्पणी पोस्ट करा