नेता आणि अनुयायी


सत्तेसाठी हपापलेला हर एक नेता असतो,
हे ना कळणारा अनुयायी नेमकाच फसतो !

आपापसात अनुयायी लढती, सोयरसुतक ना नेत्याला
अनुयायाला नसते डोके, ठाऊक असते नेत्याला !

जीव द्यावया अनुयायी धावे, आपुल्या नेत्यासाठी -
विकास करता 'स्व'त्वाचा नेता, नसतो त्यापाठी !

नेता ठरतो तडफदार हो, बसतो फोडत डरकाळी
जखमी अनुयायी तडफडतो- घरात फोडत किंकाळी !

मुडद्यावरच्या टाळूवरचे लोणी खातो जो नेता ,
मेला का जगतो अनुयायी- नेता कशास करी चिंता ?

सहनशील ही जनता इथली, आंधळेच अनुयायी
दळती पीठ इमानाने ते, नेता ऐटित बसून खाई !
.

कोणत्याही टिप्पण्‍या नाहीत:

टिप्पणी पोस्ट करा