घे धाव शंकरा महादेवा -



घे धाव शंकरा महादेवा

अवतार झणी घेई देवा ||


उघड तुझा तिसरा नेत्र 

घेऊन हाती त्रिशूळ अस्त्र 

सज्ज हो करण्यास भस्म 

तांडव करीत येई देवा ||


इथे माजले  दैत्यच सारे 

छळती शांत जनांस उगा रे 

नायनाट करण्यास ये रे 

भूवर नराधमांचे देवा ||


अबला पोरीबाळी यांचे 

भान सोडुनी निजनात्यांचे 

करती अत्याचार बळे 

डसुनी  फुत्कारावे देवा ||


अराजकाचा उरलेला तम 

प्रकाशकिरणांचा धूसर दम 

आशा नुरली तुझ्याविना 

हे भालचंद्रा रे सदाशिवा ||

. . .

कोणत्याही टिप्पण्‍या नाहीत:

टिप्पणी पोस्ट करा