का रुसला शब्दांनो -

. 
डोकावलो मी मनांत जरा
आटुनी गेला शब्द-झरा
रुसून बसले शब्द का बरे
अबोल झाले शब्दच सारे

मन कविता तन कविता
जीवन सारे आहे कविता
चडफड तडफड व्यथा वेदना
व्यक्त करावी कशी कळेना

नका शब्दानो कोंडुन घेऊ
नका असे घुसमटून जाऊ
आधीसारखा लोभ असू द्या
मनातनाला हर्ष होऊ द्या

शब्दाविण ही कसली सृष्टी
विनाभावना कसली दृष्टी
बाहेर पडा सारे उसळुनी
हासत या सारे खळखळुनी

शब्दांच्या मी माळा बनविन
कवितेमधुनी जगास विनविन
रागावुन ना जुळते प्रीती
नांदो जगती प्रेम नि शांती 
.