हा मानवी मनाचा गुंता कसा सुटेना - [गझल]

हा मानवी मनाचा गुंता कसा सुटेना
एकास आवडे जे दुसऱ्यास का पटेना..

स्पर्धेत जीवनाच्या का ताळमेळ नाही
कुठल्याच मनपतंगा मी काटतो कटेना..

उपदेश कायद्याचा करण्यात गुंततो जो
सुधरावयास तोरा अपुलाच का झटेना ..

भिक्कार खूप म्हणुनी धिक्कारला कुणी जो
किति छान मीच म्हणुनी का दूर तो हटेना..

माझ्याचसारखा मी समजे कुणी स्वत:ला
गर्वात आत्मस्तुतिचा फुगता फुगा फुटेना..
.

कोणत्याही टिप्पण्‍या नाहीत:

टिप्पणी पोस्ट करा