संसार म्हणजे -
संसार म्हणजे आज
दोन जिवांची फरपट
तू पण अती हेकट
मी पण किती हेकट
रोज वाढतीच आहे
एकमेकाला कटकट
काढून टाकूया आज
मनीचे सारे जळमट
आटप लवकर गडे
हो तयार तू झटपट
पाहुन येऊ छानसा
प्रौढासाठीचा चित्रपट
जोडीने खाऊया काही
मस्त चविष्ट चटपट
गोडीगुलाबी हवीच
मज्जा थोडीशी चावट
भांडणतंटा रोजचा
जगूया थोडेसे नटखट
क्षणभंगुर हा सारा
रहाणारा ग जीवनपट
करूया ग तडजोडीची
चल, थोडीशी खटपट !
.
कोणत्याही टिप्पण्या नाहीत:
टिप्पणी पोस्ट करा