काट्यात रमणाऱ्या फुला तू -
असाच ऐटीत फुलत रहा तू !
काट्यासवेही मिरवलास तू
कठोर असा कोमल कसा तू -
ना खंत ना चिंता करशी तू
दु:खास निमूट कवटाळशी तू !
आनंदलो मी, दिसताच मज तू
माझी उद्याची पहाट बघ तू -
क्षणैक जीवन जगलास जरि तू
सुगंध ठेवुन मिटलास परि तू -
हसत फुलावे शिकवलेस तू
फुलुन मरावे ठसवलेस तू -
मनास माझ्या फुलवताच तू
आदर्श माझा ठरलास रे तू !
.
कोणत्याही टिप्पण्या नाहीत:
टिप्पणी पोस्ट करा