त्याला मिळाली नोकरी महापालिकेत
खड्डयाचा हिशोब तपासणे नशीबात !
खड्ड्यात छोकरी पडताना त्याने सावरले
केवळ खड्ड्यामुळे दोघांचे लग्नही जमले !
लग्नामुळे रोज रोज बाहेर फिरणे झाले
खड्ड्यातल्या चिखलाने नवे ड्रेस आले !
होई दुचाकीवर दोघांची रोज प्रभातफेरी
आदळले एका खड्ड्यात- हाड मोडून घरी !
तिला स्वैपाक जमेना- त्याला उपास
रोज रोज त्याच्या पोटात खड्डा झकास !
झाले निमित्त भांडणाला- रोज जेवणाचे
ती ओरडली - जा खड्ड्यात एकदाचे !
माणसाचा प्रवास असा ध्यानात ठेवा,
खड्ड्यामुळे खड्ड्यात कधी न व्हावा !
.
कोणत्याही टिप्पण्या नाहीत:
टिप्पणी पोस्ट करा