उजळणी

शाळा तपासणीसाठी 
अधिकारी आले.

पहिलीच्या मास्तरांनी 
प्रत्येक पोराला 
त्यांच्यासमोर 
एक पासून शंभरपर्यंत आकडे 
मोजायला सांगितले.

तपासणी अधिकारी 
एकदम खूष झाले .

मास्तरला त्यांनी विचारले -
"मास्तर, पोरांची उजळणी
 इतकी कशी काय पक्की झाली हो ?"

मास्तरांनी तंबाखूची पिचकारी लांबवर मारत 
उत्तर दिले-

" नगरपालिकेपासून आपल्या ह्या शाळेपर्यंत
रोजची रस्त्यातले खड्डे मोजायची 
प्रत्येकाला सवय झालीय ना ! "

.