सात चारोळ्या -

सावधान -
जर दोषच शोधत बसाल 
मित्रांच्या स्वभावातला..
तर लागणार नाही वेळ
शत्रूंची पैदास व्हायला !
.

दोन ध्रुव -
जंगलात वाढलेला वटवृक्ष मी 
दिवाणखान्यातली बोन्साय तू - 
कशी जमावी आपली कुंडली 
मी वळू माजरा गरीब गाय तू ..
.

जीवन नौका -
जीवननौका भरलेली
माझी अवघी दुःखाने-
तारते इवलीशी काडी 
सुखाची पण आनंदाने..
.

काडीमोड अन् घरोबा -
जमले नाही कधी सुखाशी 
"काडीमोड" घेतला तयाने -
संधी साधून त्याचक्षणी 
"घरोबा" जमवला दु:खाने ..
.

'जनरीत -'
जनरीत आहे ती इथे खरी
कौतुक हळूच असते समोरी - 
वळता पाठ तयाची खचित
निँदेची वाजत असते तुतारी ..
.

आयत्या पिठावर रेघोट्या -
जो तो येतो, जोषात म्हणतो 
"राजे, तुम्ही असायला हवे होते "-
एकजुटीची जबाबदारी मात्र 
सोयीस्कर सगळ्यांना विसरायला होते ..
.

सूड -
जमेल तेव्हा दिली आश्वासने 
भेटण्याची मी तिला दिवसभर -
स्वप्नात येऊन मला छळणे 
चालू राहणार तिचे आता रात्रभर ..
.