सात चारोळ्या -------

केले स्वागत प्राजक्ताने 

सुगंध वाऱ्यासोबत धाडून-

निरोप प्रेमळ दिधला त्याने

छान फुलांचा सडा घालून ..

.

काड्या मोजक्या सुखाच्या

पाने असंख्य दु:खांची-

विधात्याने बनवली अजब 

पत्रावळ आयुष्याची..

.

कायदे करण्यास असती 

उत्सुक ते आमच्यासाठी-

पळवाटा शोधण्यात आम्ही 

तत्पर ते मोडण्यासाठी..

.

कळते न ज्यातले काही

हमखास भाष्य त्यावर -

औषध मिळेल कोठे 

या मानवी स्वभावावर ..

.

कागदाचे अंगण प्रशस्त समोर

शब्दांच्या धारा टपटप झरती - 

नाचायला अधीर लेखणीचा मोर

कवितेचा पिसारा झपझप वरती ..

.

काटे आहेत म्हणून 

गुलाबाने फुलू नये का -

आठ्या आहेत चेहऱ्यावर 

स्मित आणू नये का ..

.

किती हा उन्हाळा, लागले

रिकामटेकडे कण्हायला -

घाम गाळत कष्टकरी लागले

ओझे उन्हाचे उचलायला ..

.