सारे काही अलगद -

बागेत
बाकड्यावर बसून..
तिचा हात त्याने
अलगद
आपल्या हातात घेतला..
प्रेमभराने कुरवाळला ,
आणि हळूच
आपल्या खिशातून
भलेमोठ्ठे चॉकलेट काढले..
शुभेच्छेसह
तिच्यापुढे धरले.....

तिने ते चॉकलेट
आपल्या नाजूक बोटात..
त्याच्या हातातून
अलगद
प्रेमभराने पकडले..

वरचा कागद काढला -
मागच्यामागे फेकला..

डोळ्यात डोळे घालून
चॉकलेटची चव -
दोघांच्या जिभेवर रेंगाळली..

मागे पडलेला कागद.......
त्या गरीब पोराने
त्यांच्या नकळत
उचलला..
अलगदच !

चॉकलेटच्या कागदाचा
मंदमधुर सुवास
नाकात दीर्घसा -
हळुवारपणे हुंगला . . .

त्यानेही
चॉकलेट डे
साजरा केला !

.