चार चारोळ्या

  सहभागी  -
 
हसणे झाले खूप सारे
चला रडून पाहू जरा -
ओंजळीतल्या फुलातले
काटे टोचुन घेऊ जरा . .
.
 

  मनमोर -

डोक्यावर मी छत्री धरली
तू दिसलीस अचानक समोर -
आठवणींचाही पाऊस बरसला
नाचू लागला बेभान मनमोर ..
.


  गुंता -

माझे डोळे खिळले बटेवर
केसाची बट तुझ्या गालावर -
किती कसा केसात गुंतलो
गुंताच गुंता सखे, आयुष्यभर ..
.
 

  पत्ते -

कधी कधी तू नसताना
आठवण अनावर होते सखे -
तुझ्या आठवणींचे पत्ते
पिसत बसतो एकटाच सखे . .
 
.