आभासी फेसबुक

छ्या ! ही बायको पण ना ....
नको तेव्हा बरोब्बर शालजोडीतला हाणतेच टोमणा !
एक संधी सोडत नाही !

आताच पुटपुटत गेली मुद्दाम समोरून -
"मी आयुष्यभर समोर आहे तर,
कध्धी मेलं 'वा' 'छान' म्हणाला नाहीत !
त्या मेल्या फेसबुकावर मात्र ....."

कस समजावयाच हो तिला....?

या "आभासी" जगात वावरायचे म्हणजे,

कुठल्याही
कसल्याही
कुणाच्याही फोटोला -

"वॉव .."
"हौ स्वीट .."
"वेरी क्यूट.."
"बुट्टीफूल.."
"नाईस हं ..."
 ....असलं काहीतरी खोटखोट लिहिल्याशिवाय,
तरणोपायच नसतो !!!
.