चार चारोळ्या

१)   द्विधा -

अस्थिर मनाचा तराजू
दोलायमान कुरकुरतो -
देव आहे/नाही विचारातच
देवाची प्रार्थना करतो ..
.

 

२)  लळा -

आयुष्यात लावला दुःखाने लळा
सवय मलाही होऊन गेली -
सहन होत नाही आता
चाहूल सुखाची जरा लागलेली ..
.

 

३)  गरज सरो -

जो तो हात जोडून
प्रार्थना करतो देवापुढे -
देवाकडून सुख मिळताच
पाठ फिरवतो देवाकडे . .
.

 

४)  सवतीची लेकरे -

एखादा गाव उपाशी
एखादा गाव तुपाशी -
अजब खेळ पावसाचा
धरतीच्या लेकरांशी . .

 

.