पाच चारोळ्या -

     १)  दोनच शब्द -

" दोन शब्द तरी बोल "
अखेर तिला विनंती केली -
"अच्छा, टाटा" बोलून
चक्क ती निघून गेली ..
.

     २)  शिक्षा -

लागले शब्द भांडायला
जेव्हा मनातल्या मनात -
केली शिक्षा त्या शब्दांना
टाकले बांधून काव्यात ..
.


     ३)  जंगी स्वागत -

महापालिके करतो कौतुक
गजरातून मी टाळयांच्या -
पायघड्या घातल्यास तू
खड्ड्यांतून ग चिखलाच्या ..
.


     ४)  एकरूप -

लेखणी माझ्या भावनांशी
इतकी झाली एकरूप -
मी विचार करण्याआधीच
लिहू लागते ती आपोआप ..
.

 
     ५)  खात्री -

पृथ्वी सूर्याभोवती फिरते का
याबद्दल मी साशंक आहे -
पण नवरा बायकोभोवती फिरतो
याबद्दल मी नि:शंक आहे ..
 
.