मनी विठ्ठलाचे स्मरण करोनी

मनी विठ्ठलाचे स्मरण करोनी  
चंद्रभागेमध्ये स्नान करावे ..

'पांडुरंग' 'विठ्ठल' नित्य जपोनी 
तल्लीनतेने विठूला भजावे ..

वारकऱ्यासंगे पायी चालोनी    
वारीत हाती ध्वजासी धरावे ..

वारीमधे सारे उच्चनीच विसरोनी
देवळात जातीभेद दूर हरावे ..

वीणा चिपळ्यासी हाती धरोनी
टाळ मृदंगांचे नाद करावे .. 

अभंग नि ओव्या मुखात गावोनी
समाधान शांतीस मनात भरावे ..

'ज्ञानोबा तुकाराम' आदरे म्हणोनी
भजन कीर्तन आनंदे करावे ..

'विठ्ठल' 'विठ्ठल' 'रामकृष्णहारी'नी
अवघे जीवन व्यापुनी उरावे .. 
.