कान्हा कान्हा, अरे अरे कान्हा -

कान्हा कान्हा, अरे अरे कान्हा
किती पळवशी पुन्हा पुन्हा ..

गोपाळांना करशी तू गोळा 
लोण्याच्या गोळ्यावरती डोळा 
तुझ्याच मागे पळता पळता 
किती दमवशी पुन्हा पुन्हा ..

सापडला तर मान हलवतो 
"मी नाही लोणी खाल्ले" म्हणतो 
इतरांचा ठावठिकाणा घेता 
किती चोरशी पुन्हा पुन्हा ..

बांधुनी ठेवून तुला पाहिले 
बंधन लीलया तूच तोडले 
कान्हा, लीला तुझ्या पाहता 
किती रमवशी पुन्हा पुन्हा ..

.

कोणत्याही टिप्पण्‍या नाहीत:

टिप्पणी पोस्ट करा