पहिला पाऊस पडता आठवे

पावसातल्या सायंकाळी 
आपण दोघे झाडाखाली 
होती छत्री हाती माझ्या 
नजरभेट दोघांची झाली..

"बघ, मी भिजते आहे रे..." 
नजर तुझी का थरथरली 
नजरेमधला भाव ओळखत 
छत्री मी दोघांवर धरली..

भिजलो अर्धा मी, तू अर्धी 
अर्धा मी, अर्धी तू ओली 
जवळिक अपुल्या दोघामधली  
आपसूक का वाढत गेली..

पहिला पाऊस - पहिली जवळिक -
पहिली वहिली ओळख अपुली 
पहिला पाऊस पडता आठवे 
जोडी जमली  कायम अपुली ..
.

कोणत्याही टिप्पण्‍या नाहीत:

टिप्पणी पोस्ट करा