' सुवर्ण ' संधी

मागच्या वर्षीची एक आठवण !

बायकोबरोबर बाजारात सहज म्हणून 
चक्कर मारायची पण चोरीच झाली ब्वा.. !

सर्व तयारी झाल्यावर,
लक्ष्मीपूजनाआधी तासभर जरा फिरायला म्हणून,
आम्ही दोघे बाहेर गेलो होतो.

रोषणाई बघत बघत,
सराफकट्ट्याजवळून जात होतो.

दुपारच्या अनारसे तळणामुळे 
बायकोला होणारा त्रास 
नेमका त्याचवेळी उफाळून आला-
आणि ती रस्त्यावर खोकत सुटली .

मला समोरच एक औषधाचे दुकान दिसले.
म्हणून मी काळजीच्या स्वरात तिला विचारले -
" काय ग, इतका खोकला येतोय,
गळ्यासाठी काही घ्यायचं का ? "

ती रुमाल तोंडासमोर धरून 
खोकत खोकत, 
जणू काही सुवर्णसंधी साधतच,
एका सराफ दुकानाकडे हात करून ती उद्गारली -

" सोन्याची चेन !" 
.

कोणत्याही टिप्पण्‍या नाहीत:

टिप्पणी पोस्ट करा