नाव माझ्या मी सखीचे ..[गझल]

नाव माझ्या मी सखीचे जे किनारी कोरले 
लाट आली मत्सरी का धावुनी ते खोडले ..
.
बाग होती भेळ होती बाकडेही शोधलेे
आठवाने पण सखीच्या दु:ख माझे वाढले ..
.
वादळेही वेदनांची झेलली मी लीलया
ना सखीच्या आसवांना त्या कधी मी पेलले ..
.
बोल म्हणता दोन शब्दां 'बरय येते' बोलली
वाकडे हे बोलणे ना साजणीला शोभले ..
.
सवय इतकी बडबडीला ऐकण्याची जाहली
मौन पण ते ऐकुनीया कान माझे त्रासले ..
.
नाव डोले बघ सखे ही कागदी पण छानशी
आठवण डोकावली अन बालपणही डोलले ..
.

कोणत्याही टिप्पण्‍या नाहीत:

टिप्पणी पोस्ट करा