काय सांगू हो आता तुम्हाला !
खोटं वाटेल.. पण,
दुपारी डुलकी घेता घेता,
साक्षात जगदंबामाताच पुन्हा पुन्हा,
माझ्या कानाशी पुटपुटून गेल्याचा भास झाला मला ..
" त्या समोरच्या समईतल्या कापसाच्या वातीचे,
जरा मोठ्ठेसे दोन बोळे करून,
माझ्या दोनही कानात घालतोस का रे जरा ?
मी माझे डोळे स्वतःच बंद करून घेऊ शकते रे, पण ...
माझ्याच कानाला मी माझे हात लावू शकत नाही ना....
ह्या सर्व आठही गुंतलेल्या हातातल्या आयुधांमुळे !
हा दसरा संपेपर्यंत, मी भक्तांवर त्यांचा उपयोगही नाही करू शकत !
अरे, हे सगळे भक्तगण माझीच छान छान गाणी,पण
किती कर्णकर्कश्श आवाजात, सहन होण्यापलीकडे ऐकवत आहेत..
तूही ऐकू शकतोयस ना जरा तरी ! "
.
कोणत्याही टिप्पण्या नाहीत:
टिप्पणी पोस्ट करा