किती ऊब न्यारी तुझ्या आठवाची ..[गझल]

वृत्त- भुजंगप्रयात 
लगावली- लगागा लगागा लगागा लगागा 
मात्रा- २० 
----------------------------------------------------
किती ऊब न्यारी तुझ्या आठवाची
तमा बाळगावी मुळी ना उन्हाची ..

नजर मज तुझी का ग टाळून गेली
न जखमेस औषध नि चिंता फुकाची ..

सुहास्यात बघ तो नमस्कार करतो
तयारीत घेण्या परिक्षा मताची ..

सदा सोबतीला वसे दु:ख माझ्या
कधी वाट पाहू सुखाच्या क्षणाची ..

नवा हा ऋतू अन नवी पालवीही
तरी झेप न्यारी जुन्या पाखराची ..
.