संधि साधली मित्राने - - [गझल]

संधि साधली मित्राने वार मागुनी करण्याची 
होती बाळगली भीती उगा मनी मी वैऱ्याची ..

'वा वा' जेव्हा जेव्हा मी म्हणतच कौतुक केले हो 
साधत गेला तो संधी का कविता ऐकवण्याची ..

संगत मला फुलाची त्या आवडते हे खरे जरी 
सोबत ना टाळू शकतो सवय जाहली काट्याची ..

सगळीकडे मुखवटे हे भाऊगर्दी का झाली 
अवघड आहे पारखही खऱ्यास ती ओळखण्याची ..

कौतुक माझे ऐकाया आतुर झालो मी होतो 
वाट पाहिली त्यासाठी सरणावरती चढण्याची ..

नाही जमले भेटाया सखे तुला दिवसा ग मला 
म्हणून स्वप्नी का रात्री संधि शोधसी छळण्याची ..
..