बागेत जीवनाच्या फुलले असंख्य काटे .. [गझल]

वृत्त- आनंदकंद 
लगावली- गागाल गालगागा गागाल गालगागा 
मात्रा- २४ 
------------------------------------------------------
बागेत जीवनाच्या फुलले असंख्य काटे 
आता मला फुलांचे कौतुक मुळी न वाटे ..

पिज्झा नि बर्गराचे सारेच गान गाती 
मी नेहमी भुकेला खाण्या दही धपाटे ..

पडक्या स्थितीतल्या त्या वाड्यास पाहताना 
स्मरणात बालपण ये डोळ्यात अश्रु दाटे ..

अभियान साजरे ते करण्यात दंग नेते 
फोटोत दाखवाया हातातले खराटे..

सन्मार्ग का धरावा सत्यास त्या स्मरूनी 
सत्यास नेमके जर फुटतात नित्य फाटे ..

ज्ञानात का न पडते त्यांच्या कधीच भर हो 
भरतात पुस्तकांची साठून धुळ कपाटे ..
.