आज उदास भकास उरले ..!

बघता बघता बाप्पा आले 
हां हां म्हणता निघून गेले

गोंधळ गोंगाट नकोच होता 
बाप्पाही कंटाळला होता

सुरेल सनई कुठेच नव्हती 
पण डॉल्बीची ढणढण होती

मंजुळ स्वर ना मंडपी होते 
कर्कश सूरच भरले होते

कुठे उपयोगी भाषण होते 
कुठे पुस्तक प्रकाशन होते

बाप्पा काही ठिकाणी हसला 
पाऊस नसता उगाच रुसला

'मोरया मोरया' गर्जत हसलो 
'लवकर या' ओरडत बसलो

जो जे वांछील ते ते होते 
गर्दीत काही, रिकामे होते

मंडप होते दारी भरले
आज उदास भकास उरले ..!
.