खाटेवर देईल हरी मज -- [गझल]

मात्रा वृत्त -
[१६+१४ मात्रा ]
......................................................................
खाटेवर देईल हरी मज जीवन अर्धे फसलो मी 
ठेवत माझी मूठ झाकली अर्धे जीवन हसलो मी
.
गंडेदोरे नवस तोडगे धडपड करती काहीजण 
असेल नशिबी घडेल ते ते म्हणून निवांत बसलो मी
.
कष्टातूनच ईश्वर मिळतो कळूनही त्याला मुकलो 
प्रयत्न नाही केले काही आळसात समरसलो मी
.
कुण्या मुखी जर निंदा आली माझ्या कानावर ऐकू 
उभारून या जिभेचा फणा तिथल्या तिथेच डसलो मी
.
तू तू मी मी झाले असता काम टाकुनी का पळती 
पोटासाठी उरती काही कधीच ना हिरमुसलो मी .. 
.

कोणत्याही टिप्पण्‍या नाहीत:

टिप्पणी पोस्ट करा